Fräiske Soang – freesk Musik-Projekt bruukt Stöhn

Logo Fräiske Soang

En bisünner Projekt hett sük dat Musik-Duo “jank frison” vörnomen: an’t Enn van Määrt sall de CD “Fräiske Soang” upnomen worden. All Leder up disse CD hebben neeie Texten up Seeltersk/Saterfreesk, Old-Freesk of Oostfreeske Taal.

De Kopp van dat Duo, de oostfreeske Musikant un Schriever Stefan Carl em Huisken ut Nörden steiht al siet Jahren för de Freeske Saak in. Do vör mehr as twintig Jahren in Oostfreesland das Friesische Forum e.V. upsett wurr as en Bund för Freeske Belangen weer he daar al bie. De Oostfreeske Taal hett he sük sülvst biebrocht; he is neet mit disse Taal upwussen. Siet twee Jahren schrievt he ok Teksten up Saterfreesk. Bie sien eerste Leed kun hum Gretchen Grosser (†) – een grote Stöhnpaal van dat Seeltersk – noch helpen. De Tekst hett hör heel good gefallen, as se hum schreev.

Tosamen mit Heike Büsing ut Jade, de verscheden Dudelsacken speelt, hett em Huisken (he singt und speelt Gitarre, Akkordeon, Oboe und Bombarde) as Duo “jank frison” al mennigmaal Muisk maakt bi de Fresendrapen up Dingsdag na Pingsten bi de Upstalsboom in Auerk. Daar, bi de Upstalsboom, kweem de Idee up, ok Leeder in de olle Oost-Freeske Taal to maken, de in Oostfreesland nu al lang verswunnen is. Man disse Taal leevt ok vandaag nog – as Sater-Freesk of Seeltersk.

Dit besünner Projekt bruukt dringend Stöhn. Vörall mutt daar nog Geld bi komen, um dat Studio un dat Maken van de CD to betahlen.Well up een of anner Aart helpen will, kan sük mellen bi Stefan Carl em Huisken, Tel. +49-4931-972537, E-Mail info@emhuisken.de. Mehr over dat Projekt „Fräiske Soang“, dat Duo “jank frsion” un Stefan Carl em Huisken is to finnen unner www.jank-frison.de un www.emhuisken.de. Well alltied dat Neeiste over dat Projekt weten will, kann sik up beide Nettsieden för de E-Post anmelden.

Desülvige Text up Düütsk, Seeltersk/Saterfreesk un Nederlands.

Print Friendly, PDF & Email

Schreiben Sie einen Kommentar

Ihre E-Mail-Adresse wird nicht veröffentlicht. Erforderliche Felder sind mit * markiert.

*

Diese Website verwendet Akismet, um Spam zu reduzieren. Erfahren Sie mehr darüber, wie Ihre Kommentardaten verarbeitet werden .